專屬香港的咖啡文化，你在咖啡路上的導賞員

紫想做豬
2020年9月24日
讀畢需時 2 分鐘

已更新：2021年4月20日

Promo-code: WX981710

「個個都飲咖啡，唔通個個都識飲咖啡咩？」對大部份香港人而言，咖啡可能只係一種提神飲品，但其實咖啡中的故事和小知識有好多。喺香港，我哋有「Coffeeder啡聞」成為你喺咖啡路上嘅導賞員，透過咖啡的人、事、物，把咖啡文化普及，不單是全球的咖啡文化，更是專屬香港的本地咖啡文化。「啡聞」雖然不是一間咖啡店，但他們像是你的一位咖啡老朋友，將他們喜歡的事物分享給你。

近年， Coffeeder更加和不同公司及機構合作舉辦咖啡市集及活動，讓香港人能夠品嚐到世界各地不同的咖啡豆、認識不同的咖啡師及烘焙師。而今年就以online形式，協辦「PMQ Coffee Agenda Go Live!」，用一個更立體全面嘅角度介紹咖啡文化。 Coffeeder分享話，今次市集，為左準備唔同既網上工作坊材料包配搭及唔同嘅咖啡豆款套裝給大家，為咗確保新鮮度而絞盡腦汁、東奔西跑，一啲都唔比以往辦實體市集輕鬆！可見佢哋對咖啡嘅尊重，以及對客人嘅用心。

Coffeeder今年仲開埋購物網站，同埋喺唔同地方開實體期間限定嘅Pop Up Store「Coffeed」。平時喺咖啡店買嘅咖啡豆都係大大包咁，真係有啲無從入手……而「Coffeed」上面嘅咖啡豆套裝入面全部都係細細包，一包最多40g，沖到兩次到！一套有大約6-10款咖啡種類，佢哋想你每樣試少少，試多啲唔同產地、品種、處理手法及烘焙師嘅咖啡，真係啱晒我呢啲有選擇困難證嘅咖啡初學者呀！除左咖啡豆，都有方便嘅咖啡掛耳包套裝，每個獨立包裝，一套大約至8-10款，用熱水沖就飲得！每包嘅咖啡豆同掛耳包都會標示返產地、烘焙店、烘焙日期等資料，方便大家記錄自己既口味，或者之後去你喜歡嘅烘焙店大量入手。